BBK Mendi Film Bilbao Bizkaia

NOTICIAS

Xehetasunak
Kategoria: Noticias 2021

Mendi Filmek, Bizkaiko Foru Aldundiak, eta Ternua Group-ek, Mendiko Kulturaren inguruko zinemagintza sustatzeko xedez sortutako Bekaren lehen deialdian Tamara Lucarini egileak aurkeztutako TXANGO proiektua izan da hautatua. 10.000 euroko balioa duen Beka jasoko du, aurten bertan, 2021ean, proiektua garatu eta aurkezteko.

TXANGO filma 2021eko abenduaren 3tik 12ra egingo den BBK Mendi Film Bilbao-Bizkaia mendiko zine jaialdian estreinatuko da jendaurrean.

Xehetasunak
Kategoria: Noticias 2021

Sebastián Álvaro abenturazaleari emango zaio BBK Mendi Film Bilbao-Bizkaiaren WOP-The Walk On Project 2021 Saria. Aurtengo abenduaren 3tik 12ra egingo den jaialdiaren 14. edizioan emango zaio saria, Bilbon.

Xehetasunak
Kategoria: Noticias 2021

ARAUDIA eta IZEN-EMATEA

Apostu sendoa gainditu genuen iazko abenduan, eta asko irabazi genuen denok, mendiko filmen zuzendari, ekoizle eta zaleok, pandemia garaiko BBK Mendi Film Bilbao-Bizkaia edizio gogoangarri bat ospatuz. Bizkar-zorroa energiaz beterik, garaia da 2021eko edizioan murgiltzeko.

14. ediziorako izen-emate epea apirilaren 1etik zabalik dago irailaren 15era arte. BBK Mendi Film Bilbao-Bizkaia abenduaren 3tik 12ra egingo dugu aurten. Ekoizleek, zuzendariek eta errealizatzaileek beren lanak aurkezteko garaia da beraz, garai polita. 

Xehetasunak
Kategoria: Noticias 2021

Mendiko Zinemarako Nazioarteko Elkargoa-IAMF, Mendiko Zinemaren sektorean lan egiten duten profesionalei eta entitateei zerbitzua ematera bideratutako erakundea da. 20 herrialde desberdinetan ospatzen diren eta kontinente bakoitzean ordezkaritza duten jaialdien sarea eskaintzen du. Sareak trukaketa profesionala eta sortzailea ahalbidetzen du zinemagileekin, kirolariekin, outdoor markekin eta mendi komunitatearekin, eta ideiak partekatu eta zinema eta mendiko komunitateko eta Aliantzako kideentzako baliagarriak diren zerbitzuak ahalbidetzen ditu.

Xehetasunak
Kategoria: Noticias 2021

Jabier Baraiazarra, Mendi Zinemaldien Nazioarteko Elkargoaren (IAMF-International Alliance for Mountain Film) Presidentea da 2018az geroztik. Elkargoaren garrantziari buruz, horren helburu, indar eta jarduerei buruz, eta mendiko zinemaren etorkizunari buruz ari da elkarrizketa honetan.

Xehetasunak
Kategoria: Noticias 2021

Online eskaintza zabaldu egin da Mendi Filmen, orain FILMIN zine plataforma digital prestigiotsuan ere ikus daitezke Bilbon nabarmendutako pelikulak. Unbranded, Freedom Underload, Dirtbag: The Legend of Fred Beckey... bezalako lanak, Mendi Filmen Sari Nagusia irabazitakoak, eta beste hainbat gehiagorekin gozatzeko aukera Mendi Tour Online kanalean. Mendia, abentura, muturreko  kirolak eta natura gaiak jorratzen dituzten pelikulak nahieran, noiznahi eta nonahi. Eta jatorrizko bertsioei eutsiz, nahi bada Mendi Filmek landutako euskarazko, gaztelaniazko eta ingelesezko azpitituluetara jotzeko aukerarekin.

Xehetasunak
Kategoria: Noticias 2021

Climbing Blind (Eskaladako Film Onena Mendifilm 2019), Blood Moon (Mendifilm 2018 Sail Ofiziala) eta Blocheads (Mendifilm 2016 Sail Ofiziala) pelikulak gehitu dira Mendi Tour Online zerrendan, Mendi Filmen Vimeo plataformako txokoan.

Eskalada barra-barra eta oso protagonista bereziak dituzten pelikulak, Alastair Lee zuzendari britainiarraren zigilua dutenak. Mendi Filmekin lotura estua duen zuzendaria da, haren 12 pelikulek hartu dute parte Sail Ofizialean 2010az geroztik, eta mendiko zinemagintzan erreferente bat da, besteak beste IAMF-Mendi Zinemagintzako Nazioarteko Elkargoaren Sari Nagusia jaso zuen 2013an.

Xehetasunak
Kategoria: Noticias 2021

Dariusz Zaluski alpinista eta mendizale poloniarrak jasoko du Mendi Zinemaren Aldeko Nazioarteko Elkargoaren (International Alliance for Mountain Film) aurtengo Sari Nagusia. Trentoko mendi zinemaldiaren sari banaketa ekitaldian iragarri berri du IAMF Presidente lez Jabier Baraiazarrak: "Kurt Diemberger handiaren lezioa ongien barneratu duen zuzendaria eta alpinista da Zaluski, bera da zortzimiletako zuzendari berria". 

Xehetasunak
Kategoria: Noticias 2021

Jan Zahula argazkilari txekiarraren "The Edge of Guillotine" argazkiak irabazi du BBK Mendi Film Bilbao-Bizkaia kartela Saria CVCEPHOTO lehiaketan, beraz mendi zinemaldiaren aurtengo irudi nagusia izango da.

Elbaren bailaran, Txekiako Errepublikako Suitza Bohemia eskualdean, badira hareharrizko haitz eta mendiak, eta haietako ertz zorrotz batean ageri da Jenny Fischer eskalatzaile estatubatuarra, "Gilotina VIIb" bidea eskalatzen.

Xehetasunak
Kategoria: Noticias 2021
 
Alberto Iñurrategi Alpinista eta Ternua enbaxadorea, Lorea Bilbao Euskara, Kultura eta Kirol Foru Diputatua, Jabier Baraiazarra Mendi Film Elkarteko Zuzendaria eta Tamara Lucarini 2021eko Beka irabazlea “Txango” proiektuarekin
 
Mendi Filmek, Bizkaiko Foru Aldundiko Euskara, Kultura eta Kirol Sailak, eta Ternuak, Mendiko Kulturaren inguruko zinemagintza sustatzeko xedez iaz sortutako bideari segida eman eta bigarrenez aurkezten dute:
 
MENDI FILM BIZKAIA-TERNUA BEKA

Xehetasunak
Kategoria: Noticias 2021

Egun ia 40.000 bazkide ditu EMF-Euskal Mendizale Federazioak. Federatu horien guztien artean nahiz publiko orokorrarengan ere mendizaletasuna sustatzeko helburuak batzen ditu EMF eta Mendi Film zine jaialdia.

Zigor Egia EMF-ko Presidenteak eta Eduardo Martinez Mendi Film Festival Elkarteko Presidenteak sinatu dute 2021eko hitzarmena. Ricardo Hernani EMF-ko zuzendaritza berriko kidea eta Jabier Baraiazarra Mendi Filmeko zuzendaria ere elkartu dira sinadura ekitaldian.

Xehetasunak
Kategoria: Press Tour

Arrasaten 9. edizioa beteko du maiatzaren 11ean Mendi Tourrak, Besaide Mendizale Elkartearen eskutik. Zarautzen, berriz, maiatzaren 13an, Pagoeta Mendizale Elkartekoek hartuta, bosgarrenez egingo da Mendi Tourra. Mendi Filmeko pelikula onenak ikusleen gozamenerako batean eta bestean, jada hitzordu klasikoak bihurtu direnetan. 

Xehetasunak
Kategoria: Press Tour

Bizkaian itxiko da Mendi Tourren martxoko eskaintza, Otxandion (hilak 27) eta Zaldibarren (hilak 29) egingo diren saioekin. Dagoeneko 11 Mendi Tour burutu dira 2021ean, eta ia 5000 ikusle bildu dira mendiko zinemagintza onenaz gozatzera,  tokian tokiko aretoetara.

Xehetasunak
Kategoria: Press Tour

2021eko Mendi Tour egutegiko hurrengi bi hitzorduek Agurain eta Igorrera garamatzate. Mendiko pelikula onenak, gaur-gaurkoenak, agertoki seinalatuetan dabiltza batera eta bestera urtea hasi zenetik, eta aipatu bi hauek hitzordu klasikoak dira.

Xehetasunak
Kategoria: Press Tour

@urmuga_2020

Martxoko Mendi Tour hitzorduak ate joka daude. Tolosa (8-9-10), Eibar (10-11), Igorre (11-18), Agurain (18) eta Zaldibarren (22-29) eskainiko dira Mendi Filmeko pelikula onenak hilabete honetan.

Xehetasunak
Kategoria: Press Tour

Mendi Tour arrakastatsua izan da, beste behin, Gasteizko Vital Fundazioa Kulturunean berriki egin denba (otsailak 15-17-18-19). Hitzordu horren 9. edizioa izan da, eta pandemia egoerak markatu du.
Sarrerak www.fundacionvital.eus webgunearen bidez soilik eskaini ziren eta salgai jarri ziren egunean agortu ziren, 9. edizioa aurkezteko prentsaurrekoa egin ondoren hain zuzen. Mendiko zinemaren eta Mendi Tourraren onarpen handia agerian uzten duen gertakaria. Iaz, antzeko egunetan eta oraindik pandemia aitortu gabe zegoela, 1700 ikusleko marka berri bat ezarri zen 8 saiotan, baina aurtengo datua ere aipatzekoa da: 528 ikusle 4 saiotan, aforoa aretoaren edukieraren erdia baino gehiago murriztu arren.

Artikulu gehiago …

  1. Mendi Tourra aretoak betetzen ari da eta Mendi Tour On Line menuak pelikula berriak ditu
  2. Mendi Tour Vitoria-Gasteiz Vital Fundazioa 2021
  3. Hurrengo geltokiak: Iruña eta Leioa
  4. A History of Passion 2000-2020: Mendiko Zinemaren aldeko Nazioarteko Elkargoaren historia
  5. Mendi Tour otsailean: Zangoza, Iruña, Leioa, Gasteiz, Santutxu (Bilbo) eta Eskoriatza
  6. Donostian eta Zangozan abiatuko da 2021eko Mendi Tour zine zirkuitua
  7. Zinegile gazteei zuzendutako beka Mendiko Kulturaren zinemagintza sustatzeko Bizkaiko Aldundia, Ternua eta Mendi Fimen eskutik
  8. Eskerrik asko hau posible egin duzuen guztioi!
  9. 2021 Urte Mendi On!
  10. Everesteko Arrosarioa, euskal eta poloniar himalaismoaren senidetzearen ikurra

Azpikategoriak

Page 9 of 26

 
Erakundeak / Instituciones / Institutions
Gailurra
 
 
Aconcagua
 
Ama Dablam
Cervino
  
 
Laguntzaileak / Colaboradores
    
 Auto ofiziala / Vehículo oficial 
Media Partners
 
Herrialde Gonbidatua / País Invitado / Guest Country
© 2026 Mendi Film. Cookies - Legal - Privacy